في القدس من في القدس الا نحن..

قال بقولو القدس عاصمة الثقافة العربية 2009 !!!

طيب والنعم !!!

ولكن للاسف حفل الافتتاح صار ببيت لحم ولبنان وبجوا غرفة ابصر وين في غزة !!!

وين دور القدس !!!

انا بقلكم رغم المحاولات الحثيثة و الجاهدة لعمل فعاليات مختلفة في شتى انحاء القدس ولكن قوات الاحتلال كانت بالمرصاد بمختلف انواع الطرق

بداية اقتحمو المدارس الي كان من المفروض ينطلق منها بلالين بالوان العلم الفلسطيني ولكن منعوهم من هاي الفعالية و قاموا باحتجاز عدد من الاشخاص
بس رغم انوفهم اطلقو البلالين من عدد قليل من المدارس
بس زي ما بقولو الريحة ولا العدم

وبجد كان منظرهم مبهج رغم الضغوطات
طبعا اي محاولة كانت تصير في الشوارع كانت القوات الخاصة و الخيالة بالمرصاد
وهادا غير طيارة الهيلوكبتر الي كانت من الصبح متابعة الوضع
حتى انو منعو اي شغلة عليها القدس عاصمة الثقافة لدرجة انو شلّحو الشباب بلايزهم !!!

ومنعو اي جولة للبلدة القديمة وقامو باخد عدد من الصبايا للمسكوبية (مركز الحجز)

بس رغم هيك ما يئسو الاطفال المقدسيين اطلقو البلالين من الباصات كمان

وبرضو الاجانب حاولو المشاكرة بالفعاليات

اطلعو على الشباك الي فوق باب العمود بالزبط اثنين من الاجانب رافعين شعار القدس عاصمة الثقافة 2009

وكمان اشبال القدس حاولو



بس الله لا يورجيكم شو صار بعد هالدبكة الحلوة
ماضل جندي في القدس او خيالة الا نزلو يلحقو الشباب

لا حول ولا قوة الا بالله

بجد عدو حاقد